ناصر العنقودي Admin
مجموع المشاركات : 134 رقم العضوية : 1 نقاط : 57213 السٌّمعَة : 2 تاريخ التسجيل : 27/09/2008
| موضوع: يقولـون وكـر الحـر مايعتليـه البـوم وانا اشوف عيني وكر حر تحـت بومـه الأربعاء ديسمبر 01, 2010 5:08 am | |
| يقولـون ماللعبـد بــــــد عـن المقـسـوم وانا اقول صح ويقنـع العبـد مقسومـه
عسى الله يعين اللي توافد عليـه همـوم همومن تخلـي طبلـة الـراس منجـــومـه
تـرى والله انـه مايكــــــدر عليـك النـوم سوى كلمة من بعض الاصحاب مسمومه
اذاجت من الغالين ولا الرخـوم رخـوم ولا امحق من الغالي اليا شانـت علومـه
ضعاف الروابع تبتلش والقـروم تشـوم ولاهيب لا شامت مـن الشيـن مليومـه
ولا الزين من القاع الخلا والوجيه سلـوم ولا رفقتٍ مـع طـول الايـام ملغومـه
ولا الذ من عشرة شريفن من اقصى القوم يبادلك فعــــــل الطيـب معنـاه وسلومـه
واذاشفت في جو الصداقه غبش وغيـوم عطيت الدروب اللي مع الارض مرسومه
ولامثل عز النفس لـو مامعـك مطعـوم وعن اهل الشماته خل الاسرار مكتومـه
معي لوسمحت شوي عقب عـداك اللـوم ابعطيك عن بعـض الرياجيـل معلومـه
ترى اللاش لو وقف معك في حياته يـوم تشوف الردى متبيـن فيـه مـن يومـه
وانا اقول لوان في وجيه الرخوم وسـوم عرفنـا نميـز قيمـة النـذل بوسومـه
على شان نجلس مع رجال الوفا ونقـوم ونبعد من اللي عنـد الاجـواد مذمومـه
وانا اسمع مع اهل التجربه في الحياة علوم بعضها صحيح وبعض الاخبار موهومـه
يقولـون وكـر الحـر مايعتليـه البـوم وانا اشوف عيني وكر حر تحـت بومـه | |
|