كحيلان مشرف عام المنتدى
مجموع المشاركات : 98 رقم العضوية : 3 نقاط : 55663 السٌّمعَة : 0 تاريخ التسجيل : 26/02/2009
| موضوع: مديرة مدرسة عزباء غابت عن المدرسة يومين الخميس مارس 19, 2009 5:07 am | |
| هذه قصة سمعتها ويقول ناقلها انها حقيقية . تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة قالت لهن باركولي تزوجت قالن مبروك يامديرة ولكن منهو زوجك ؟ قالت لهن بصراحة زوجي هو زوج إحداكن . المدرسات تكفين علمينا أي وحدة منا ؟ قالت المديرة والله ما أعلمكن . المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهوزوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .. وافقن المدرسات على الطريقة . ويوم جاءبكرا وكل وحدة مزهبه معها الدراهم21 . جت الأوله والثانية والثالثة والرابعةحتى العاشرة والمديرة تاخذ الدراهم . يوم جت المدرسة ال 11 وبدت المديرهتأفف المهم حطت الدراهم على الطاولة وقالت لها تكفين خذيها يالمديرة قالت المديرةاعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة . ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية . المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هيوقالن المدرسات لازم تجين تكفين . المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم.. دخلت المدرسة الأخيرة غرفة المديرة وحطن باقي المدرسات ايديهن على قلوبهن21 وحطت المدرسة الخمسمية على الطاولة وضفتها المديرة . يوم طلعت لقنها عايدية وماصار شي وفلوسها أخذتها المديرة. قالن يابنات فيه وحده منكن ماخذت المديرة دراهمها ؟ قالن لا والله كلنا اخذت دراهمنا . ودخلن المدرساتعلى المديرة وقالن اخذتي الفلوس من كل المدرسات تلعبين علينا منهو زوجك قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبككن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد.. قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا ..
انتهتالقصة واتمنى تكون اعجبتكم | |
|
الطيب Admin
مجموع المشاركات : 77 نقاط : 57120 السٌّمعَة : 1 تاريخ التسجيل : 02/10/2008
| موضوع: رد: مديرة مدرسة عزباء غابت عن المدرسة يومين السبت أكتوبر 10, 2009 9:07 am | |
| هههههههههه يعني نفس المثل مصيبة اهون من مصيبة ههههههههههههه شكرن تقبل مروري | |
|
الوافـــــي عضو نشط
مجموع المشاركات : 57 نقاط : 57110 السٌّمعَة : 0 تاريخ التسجيل : 02/10/2008
| موضوع: رد: مديرة مدرسة عزباء غابت عن المدرسة يومين الأحد أكتوبر 11, 2009 8:40 am | |
| السلام عليكم اخوي كحيلان موضوع جميل شف يوم الموضوع فيه المصلى كلهن تجاهلنة بس يوم جاء لغيره تغير الموضوع سبحان الله لاهنت ياغالي تقبل مروري | |
|
ناصر العنقودي Admin
مجموع المشاركات : 134 رقم العضوية : 1 نقاط : 57213 السٌّمعَة : 2 تاريخ التسجيل : 27/09/2008
| موضوع: رد: مديرة مدرسة عزباء غابت عن المدرسة يومين السبت أكتوبر 17, 2009 1:21 pm | |
| كحيلان يعطيك العافيه ومشكور على الموضوع الجميل ولاهنت | |
|